 |
| აკვნის კურთხევა |
მარტვილის მუნიციპალიტეტში ბრწყინვალე შვიდეულის ყოველ ხუთშაბათს საეკლესიო დღესასწაული წაჩხურობა აღინიშნება. წელს მისი აღნიშვნა 9 მაისს დაემთხვა, დასვენების დღეს. ამიტომაც უფროსკლასელებმა გადავწყვიტეთ წაჩხურუში მდებარე მონასტერი მოგველოცა.
რა თქმა უნდა, მასწავლებლებთან ერთად გავემგზავრეთ. სოფლამდე რომ მივაღწიეთ, პოლიციელებმა გაგვაჩერეს და ეკლესიამდე გზის გაგრძელება ფეხით გვირჩიეს. მართლაც, რამდენიმე კილომეტრის გავლა ფეხით მოგვიწია, ცოტათი დავიღალეთ. ამ მონასტერში არსებობს აკვნების კურთხევის ტრადიცია. ბევრ ოჯახს დიდი ხნის ნანატრი შვილი სწორედ აკვნის კურთხევის შემდეგ უჩნდება. გადმოცემით, ამ დღესასწაულის აღნიშვნა 15 საუკუნიდან იწყება, თუმცა, თვითონ დღესასწაული ,,წაჩხურობა" გაცილებით ძველია". ის წარმართულ ეპოქაში იღებს სათავეს.
წაჩხურუში შეგიძლიათ იხილოთ ჩანჩქერი, რომელსაც დამთვალიერებელი არ აკლია.
ჯამბული წულაია, XII კლასი
No comments:
Post a Comment